تحدث زياد حجاج لاعب منتخب مصر للمصارعة عن هروبه من بعثة منتخب الشباب في بطولة العالم بسلوفاكيا، خلال الأيام الماضية.
وكان اللاعب قد هرب من مقر بعثة منتخب مصر للمصارعة للشباب خلال توجههم لأحد التدريبات حيث أخبرهم بأنه سيلحق بهم ثم أغلف هاتفه واختفى.
وكتب حجاج عبر حسابه على فيس بوك: "انا اللاعب الدولي زياد حجاج أبو جبل لاعب منتخب مصر للمصارعة الحرة".
طالع.. بعد هروبهما.. وزارة الرياضة تحيل واقعة ثنائي المصارعة إلى النيابة العامة
وتابع: "أنا عايز أقول لأبويا وأمي ما تزعلوش مني أنا عملت كده علشان أبقى في نظر نفسي راجل مش هرجع مصر بلدي الحبيبة إلا وأنا مشرفها".
وواصل: "سامحوني أنا تعبت كتير وتعبت أبويا قوي معايا أنا كلفته كتير وهو معاه سبع أخوات غيري وما كنش ينفع غير إني أرجع مصر ومعايا الميدالية وإن شاء الله هيحصل، حبيت أطمنكم عليا إن شاء الله راجع لمصر وأنا بطل ومشرفها".
وأكمل: "بالله عليك يا حاج تسامحني وتدعيلي، أنا سفروني لوحدي من مطار القاهرة إلى سلوفاكيا وما حدش معايا من البعثغه وما كانش في دماغي حاجة واتصلت بيهم وروحت على البطولة ولعبت وأنا كنت مصاب في الضلع اليمين وأصريت ألعب علشان أحقق حلمي وأجيب ميدالية لمصر".
وأتم: "أنا كل اللي باخده في الشهر 700 جنيه وأنا لاعب دولي هيعملوا إيه ولا إيه، ولكن أنا المسؤول عن القرار ده بعد الضغوط دي كلها ما كنش ينفع أرجع تاني أنا اتولدت مصارع وهعيش مصارع رفعت علم مصر وهيفضل مرفوع إن شاء الله، سامحوني ابن مصر زياد حجاج أبو جبل".
