أكد أحمد الشيخ، لاعب الفريق الأول لكرة القدم بنادي الإسماعيلي، على تعرض الراحل إيهاب جلال مدرب الفريق لضغوطات كبيرة قبل وفاته.

وتوفى إيهاب جلال، أمس الأربعاء، بسبب تعرضه لجلطة في المخ ونزيف حاد تسبب في وفاته داخل إحدى المستشفيات بعد أيام في العناية المركزة.

طالع..شقيق إيهاب جلال يروي تفاصيل جديدة بشأن حالته وآخر حديث بينهما قبل الوفاة

وكتب أحمد الشيخ، عبر حسابه على "فيس بوك": "أنا حياتي إتغيرت بعد فضل ربنا ثم فضل الراجل ده، علمني كتير أوي وحققت معاه حاجات كنت بحلم بيها من صغري، كم الخير اللى بيعملوا أنا شوفته إنهاردة من حب ودعاء الناس له".

وتابع: "مشيت وسبتني ليه سبتني ليه يا بوب مش قادر أصدق إنى مش هشوفك تاني، كنت نعمه الأب والمدرب، اديتنى كتير أوي وفضلك عليا بعد ربنا كبير، وكان نفسي أردلك جزء من حقك إلى جنات النعيم يا أبويا".

وواصل: "يارب ارحمه واغفر له يارب، اجعل مرضه شفيعا له يارب، أنت عالم بكل شيء وعالم إنه كان أطيب حد في الدنيا دي مفيش حد هييجي زيه، عمره ما تأخر على حد في مساعدة قدام عيني كنت أقوله وأحسده في الخير ما شاء الله يا بوب، أنت بتساعد الناس كلها وعمرك مقفلت باب في وش حد، كان يقولي يابني الحاجات دي هي اللى باقية وكله تجارة مع الله".

وأكمل: "آخر فترة كان متأثرًا جدًا بسبب اللي حصله مع المنتخب، وكم الضغوطات اللي اتحط فيها، لكن هو قوى جدًا وكان يتحمل المسئولية".

وأتم: "عمره ما طلع قال مبررات أو جاب الغلط على لاعيبة كنت أقوله ليه حضرتك مخدتش حقك على الأقل المادي من المنتخب وليه حضرتك متطلعش ترد وتعرف الناس اللي حصل وليه حضرتك متردش على الناس اللي بتسيء ليك، يقولي يابني دى كلها صراعات ودنيا أنا مش عايز منها حاجة، أنا عايز الآخرة، لما ربنا يفتكرني عايز الناس كلها تدعيلي، بالله عليكم لا تنسوه في الدعاء".