هاجم مرتضي منصور، رئيس مجلس إدارة نادي الزمالك، ادارة نادي طلائع الجيش، بسبب منع لاعب الزمالك، أحمد توفيق، من اللعب ضمن صفوف الفريق الابيض بسبب التجنيد.

وطالب نادي طلائع الجيش، بصفته نادي تابع للقوات المسلحة، قيد احمد توفيق، لاعب وسط الزمالك، بحجة آداء الخدمة العسكرية المفروضة على اللاعب.

وعبر مرتضى منصور، في مداخلة هاتفية لبرنامج "اللعبة الحلوة مع بندق" مع الإعلامي "خالد الغندور"، المُذاع على فضائية "LTC"، عن استياءه من منع اللاعب قائلاً "لما المنتخب العسكري طلب لاعبين، سمحت لهم بالمشاركة مع المنتخب العسكري ولم أعارض ثانية، بالرغم من اني كُنت مُقبل على مباراة السوبر أمام الأهلي، ومشاركة توفيق مع المنتخب العسكري تسبب في خسارة الماتش".

وأضاف "لماذا الإصرار على منع اللاعب من المشاركة في مباريات الزمالك، لماذا يحدث ذلك للاعبي الزمالك بالأخص"، مؤكداً "الكلام ده مش هيمشي معانا احنا مبنخافش من حد وتاني اهو مابنخافش من حد حضرتك تقول مش هيلعب عشان مش راضيين يدونا لاعيبه في طلائع الجيش.. ليه احنا مش في بلد ؟ مش في وطن ؟ ولا احنا درجه تانيه وفي ناس غيرنا درجه اولى".

واستكمل مرتضى منصور "لو عاملت كا اللاعيبه المجندين زي ما بتعامل احمد توفيق انا معاك واقولك تعظيم سلام لو هتعامل الناس كلها معامله واحده.. خدهم عندك على طول الجيش شرف لأي حد.. انما الخيار والفقوس مش هيمشي معانا احنا". وأضاف "في 3 لاعيبه من الاهلي وسايبهم ومش عارف كام من سموحه وجاي تاخد احمد توفيق رهينه؟.. مع احترامي للقوات المسلحه الكلام ده مش هيمشي معانا وانا قولت اللي هيشتم القوات المسلحه ياخد فوق دماغه وانا معاهم انما الكلام ده مينفعش".