أعرب محمد السيد لاعب منتخب مصر للسلاح المشارك في دورة الألعاب الأولمبية، عن رضاه بالمشاركة في أولمبياد طوكيو، رغم خروجه من دور الثمانية.

طالع | محمد السيد يودع منافسات السلاح في أولمبياد طوكيو

وقال السيد في بيان كتبه عبر حسابه الشخصي بموقع التواصل الاجتماعي "فيس بوك": "سعيت كتير عشان أكون هنا، والحمد لله وصلت وربنا كرمني بالنتيجة دي، أكيد كان نفسي فنتيجة أحسن بس أنا راضي ومش مستعجل عشان دائما ربنا شايل حاجة أحسن".

الطريق في البطولة كان صعبًا، واللعب في أولمبياد طوكيو كان حلمًا كبيرًا بالنسبة لي، وكان ليكتمل بدخولي المربع الذهبي، لكن أنا راضي أن أكون من أقوى 8 لاعبين في العالم، استفدت من التجربة والخبرة دي ولسه المشوار طويل".

أشكر الاتحاد المصري للسلاح على الإعداد الكامل والتجهيزات المُخططة جيدًا للاعبين، وأشكر أسرتي التي دعمتني، أنا من غيركم معرفش أعمل حاجة، وطبعا مدربيني في المنتخب أو بشكل خاص".

واختتم: "الفترة دي خلصت والموسم خلص بعد مشوار صعب طويل بس الإنجازات لسه مخلصتش، وشكرًا على كل رسائل الدعم الكتير، بس بصراحة مش قادر أمسك نفسي أكتر من كده، اليوم كان طويل وصعب، الحمدلله حتي يبلغ الحمد منتهاه".