وجه علي لطفي حارس مرمي الأهلي، رسالة إلي شريف إكرامي، بعدما قرار لجنة التخطيط بالأحمر، برحيله آخر الموسم الجاري مع انتهاء عقده.

وكان شريف إكرامي قد أعلن في وقت سابق الرحيل نهاية الموسم طمعًا في المشاركة الأساسية، هو ما وافق عليه مجلس إدارة الأهلي.

طالع | رسميًا.. الأهلي يوافق على رحيل شريف إكرامي ويوجه له الشكر

وقال لطفي علي حسابه الخاص بموقع التواصل الاجتماعي "انستجرام": "كابتن شريف إكرامي، لا أعرف من أين أبداً، غير إنك فعلاً من أحسن وأنضف الشخصيات إلي عرفتها مش علي مستوي الكورة".

وأضاف: "حياتي كلها كنت دايماً بتنصحني و بتدلني للخير ليا دايماً وكان شرف ليا إني كنت قريب ليك في النادي أستفدت منك كتير جداً بره الملعب وجوه الملعب في كل تمرينه وكل موقف كنت بتعلم منك حاجه انا قبل ما أجي النادي الأهلي".

وتابع: "كنت بحبك من تعاملاتك الراقيه معايا في معسكرات المنتخب بس لما قربت منك ربنا يعلم أنت بقيت عندي إيه ومن أكتر الشخصيات الي أثرت فيا في حياتي ربنا يكتبلك الخير في خطوتك الجايه انت مكسب لأي مكان في أي منصب".

طالع | شريف إكرامي ينهي الاتفاق مع ناديه الجديد بعقد قيمته ٣٦ مليون جنيه

وأتم: "إن شاء الله هتبقي خطوه موفقه ليك مع إني ملحقتش اشبع منك السنتين تلاتة دول يا وحش إفريقيا يا محترم".