رد تركي آل الشيخ رئيس هيئة الترفيه السعودي، ومالك نادي بيراميدز على البيان الذي أصدره مجلس إدارة النادي الأهلي صباح أمس السبت.
الأهلي يعلن 8 قرارات نارية ابرزها مقاطعة البطولة العربية وشكوى اتحاد الكرة للكاف
ونشر آل الشيخ بيانًا عبر حسابه الرسمي بموقع التواصل الاجتماعي "فيس بوك"، قال فيه: "هو ما شاء الله لسة فايقين إن فيه هجوم وإساءة ليكم من رئيس الاتحاد العربي، ولا لما قلت في لقاء تلفزيوني من كام يوم إني بفكر استقيل من الاتحاد العربي..فحبيتو كالعادة تاخذوا اللقطة وتطلعو أبطال قدام الجمهور وتلعبوا على نغمة إحنا اللي مشيناه؟".
وأضاف: "وكمان مش دي البطولة الي لعبت فيها كده مباراة قبل كده وطلعت؟! وهو إنت شاركت عشاني ولا عشان مصر وعشان الجايزة الي بـ٨ مليون دولار؟ ".
وتابع: "وبعدين لما عرفتوا إن اتحاد الكورة حيأجل الماتش وده حق مشروع لبيراميدز رحتوا عاملين بطولة ومنزلينها في بيانكم وكإنه مخرج ليكم؟! عشان ميبانش إن اتحاد الكورة أخذ القرار العادل!".
وأردف: "وكمان عاوز أسأل هو ماتشنا معاكم كان من غير جمهور الدور الأول... يبقى من حقنا الماتش التاني يبقى بدون جمهور؟ وده الحق الطبيعي اللي لينا.. وأنا بسأل للمرة المليون وقدام الجمهور الآن فين قرار قبول الاستقالة من الرئاسة الشرفية؟! ومين الي خايف يواجه؟".
وأكمل تركي: "أنا الي طالبت إن الماتش يكون كاس وبنفس التاريخ واتنبح صوتي من ١٠ اأيام بكده... ومين الي عاوز يأجل متش الزمالك؟ بعدين أنا بستغرب... أخاف ليه وأنا فايز بـ٢... وجون من السعيد وجون من أوفر من السعيد ؟ لاعب منتخب مصر الي اتدفع قيمته ٣ مرات والي بتحارب فيه والي رميته بكل الذوق والمبادئ ورحت تشتكيه على الفيفا وعلى الأهلي السعودي اللي منه الأمير المرحوم عبدالله الفيصل الرئيس الفخري والي فيه صاله باسمه في النادي".
واختتم: "أنا فهمت الفيلم الي كنت بتعمله بس فهمته للأسف متأخر... إن الهدف إحراق صورتي وكسب بطولة زايفة قدام الجمهور.. الله يرحمك يا صالح سليم".
