توعد أحمد حسام "ميدو"، المدير الفني السابق لفريقي الزمالك ووادي دجلة، والمحلل الرياضي، مسرب فيديو له وطاقم محللي قناة "أون سبورت"، والذي تضمن ألفاظا خارجة.
وتداول مقطع فيديو، على مواقع التواصل الاجتماعي، مساء الجمعة، مسرب لأحمد حسام ميدو، حازم إمام ومجدي عبدالغني، خلال تواجدهم في الأستوديو التحليلي، لمباراة منتخب مصر والبرتغال، وردت فيه ألفاظا خارجة.
وكتب "ميدو" عبر حسابه الشخصي على "تويتر": "امبارح اتسرب فيديو وإحنا قاعدين في الفاصل، بنعتذر طبعا لكل الناس على كل لفظ خارج فيه، وإن شاء الله هنجيب الخائن للأمانه في أسرع وقت ممكن.. أكيد مش ذنب أي حد أنه يسمع الألفاظ دي".
وأضاف: "أما عن الشباب اللي عايشة الدور ومصدومين من الألفاظ وكده، وكانوا فاكرين إن إحنا وإحنا بنتكلم مع بعض بنبيع سبح وفوانيس، فبقولهم معلش ماتتخضش، ميدو عمره ما عمل نفسه ملاك، ولا عايز الناس تفتكره ملاك".
وتابع "كلنا واحنا بيننا وبين بعض بنهزر وبنضحك، وأكيد لو اَي حد سجل ليك أنت وصحابك في كلام أكتر من كده ممكن يطلع.. مرة تانية بأوعدكم هنجيب اللي سرب الفيديو، ومش هنسيبه".
