رفض سمير عدلى مدير العلاقات العامة بالنادى الأهلى، اعتذار الإعلامى خالد العندور عن حضور حفل القلعة الحمراء الذى سيقام غداً الخميس تحت سفح الأهرامات، برعاية شركة "صلة" السعودية، الراعية للنادى. بطولات 

قال مدير العلاقات العامة بالأهلى، خلال تصريحات تليفونية لبرنامج "اللعبة الحلوة" الذى يقدمه خالد الغندور، عبر شاشة "ltc" :"الأهلى بيتك، ومعلش ما تزعلش من أى حد، ولا نقبل الأعذار، ولازم تكون موجود فى بيتك، وبشكر الريس الجميل رئيس الزمالك على نصيحته ليك بالحضور، وبتمناله النجاح فى الانتخابات، ولو علينا كنا عزمنا 90 مليون، لكن العدد محدود".

وجاء رد الغندور قائلاً: "أنا اتشرف أنى أروح لكم الأهلى، والدعوة دى بتدل على أننا لازم نحب بعض، وكنت هاجى بقلب صافى، علشان نفتح صفحة جديدة، واشوف كل رموز الاهلى، وهننتقد برضه لأن مافيش حد فوق النقد، وكل واحد يقول رايه، وميكنش فيه خلاف جزرى بنا".