مرتضى منصور

-  سعيد بالإستعانة بأبناء النادي وإني قدمت أحمد حسام "ميدو" في منصب المدير الفني من قبل، وبعده محمد حلمي.

-  "ميـدو" كسب كأس مصر، وحلمي كان على أعتاب الدوري لولا العند في ماتش المصري، وحرضوا أني بتدخل ومكنش لازم يوقف إتنين لاعيبه جاهزين ده مش دوره، ومجلس الإدارة نبه أنه مخالف للائحة وبرضه عند، ولولا تلك المشكلة وما ترتب عليها مباراتي صن داونز، ومشكلة حازم مع باسم، معناه أن الجهاز فك وفقد سيطرته.

-  سأكشف سرا أن اللاعيبة مش راضية تنزل التدريب بسبب مستحقات وهمية.

-  مرتضى منصور ردا على تقارير رفض باسم مرسي تجديد عقده في أحدى الصحف: لن يجري نادي الزمالك وراء أي لاعب عشان يجدد عقده، باسم لاعب موهوب ومتميز والزمالك له فضل عليه أنه دخله المنتخب، ولما قعد سنة مجبش ولا جول استحملناه، لكن لما يجيب جونين هيفرض شروطه على النادي لا مش هنقبل بالوضع ده.

- عن مصطفى فتحي: شايف ان مصطفى فتحي زعلان بسبب موضوع الإحتراف، لن نوافق على احترافه إلا لو جاله عرض احترافي يليق به وبنادي الزمالك، عرض بخمسة مليون جنية مش هقبل ده أنا جايب محمود حمدي بعشرة مليون، مصطفى فتحي لا يقل عن رمضان صبحي، ولو وافقت على احترافه بمبلغ ضئيل هروح السجن لأنه اهدار مال عام.

-  عن عودة محمد صلاح: لما يكون في ظابط يروح سينا أو استشهد بيقول حاضر عشان خاطر بيحب بلده، لكن يقال أن صلاح "استبن" مش مقبول، مدرب عام كان بيوافق مدرب في الناشئين يوافق، لكن البعض سخر منه، محمد صلاح في نادي الزمالك قبل مني وقبل ظهوري في النادي، كون أنه مؤدب وفي أي موقع يقول أنا موافق وبنفس راتبه، وقعدت مع مؤمن وإسماعيل وعلاء عبد الغني، وقلنا محتاجين في الجهاز الفني شخص مخلص، يساعد ولا يخرب يساند ولا يثير المشاكل، وقع الاختيار على محمد صلاح.
-  بحترم أن صلاح في أي مكان نطلبه كان يوافق، وعاد مدرب عام.

-  عن إسماعيل يوسف: يقال أنه العصفورة الخاصة بي.. طب على من؟ على مؤمن أو أفراد الجهاز الفني أو على حلمي او ميدو؟؟ أنا اللى جايب كل دول، خفة الدم لها ناسها، لكن لما نتكلم عن إسماعيل يوسف بيخدم النادي وبيسافر قبل كل مباريات افريقيا عشان يضبط كل أمور الفريق.

-  البعض أتكلم أن مارتن يول الزمالك كان يفاوضه، لم يحدث لا بشكل رسمي أو ودي التفاوض مع مارتن يول لا قبل تدريبه للأهلي أو حتى رحيله.

اخبار رمضان صبحي
فيديوهات رمضان صبحي

-  أكرم توفيق كان بيتسول أنه يروح الأهلي لكن مش من حقك تكدب وتقول أن الزمالك كان بيتفاوض معايا، لا رسمي ولا ودي من حقك أنك تقول أنك تبوس الأيادي انك تروح النادي الأهلي، لكن مفيش أي مفاوضات تمت بينا وبين إنبي، افرض انت قعدت مع أخوك في الغيط وقلك تعالى الزمالك.. انا مبجبش لاعب "بيعض اللاعيبة".. بطل كدب وانك تقارن بينك وبين الزمالك، بتقول هناخد السوبر انت بتتكلم كأنك متعب أو غالي، الكبار مقالوش الكلام ده، أنت لسة في حضانة!

لو تواجد أفراد الأولتراس في أي مباراة للزمالك بالبطولة الإفريقية، سننسحب من اللقاء ولن نخوض اللقاء.

إسماعيل يوسف

-  الحلم الأكبر لنا هو اللعب في كأس العالم للأندية، وده مش هييجي إلا بدعم الإعلام للجهاز الفني ومجلس الإدارة، ونرجو تحري الدقة والتعامل مع نادي الزمالك أنه نادي الكبير، وأي شئ يبقى في تواصل بنا وبين بعض.

- كل شهر هيبقى في جلسة مع الجهاز الفني والصحفيين بموافقة مرتضى منصور، لأن في أشياء كثيرة بُتنشر بعيدة عن الحقيقة، أحنا مركزين في بطولة مهمة جداً لأننا بنلعب بأسم مصر في البطولة الإفريقية.
-مؤمن سليمان سيكون مدرب صاحب تاريخ كبير وأتمنى له النجاح.